तंत्रीक उदरगत, विस्तार आनी प्रशिक्षण

जमीन आदारीत कार्यावळीच्या येसा खातीर, खास करून पडींग जमनीच्या उदरगती खातीर, तंत्रीक आधार खूब म्हत्वाचो आसा. शेती हवामान वातावरण आनी जमनीची क्षमता मतींत घेवन योग्य वाठार आदारीत रणनिती तयार करपाक जाय. हे समजून घेवन, जेवण, इंधन लाकूड, चारो, आदी हांच्या तिगून उरपी उत्पादना खातीर पडींग जमनींत सुधारणां करूंक योग्य तंत्रगिन्यान निर्माण करपाक टीडीइटी ही केंद्रीय क्षेत्र येवजण 1993-94 वर्सा चालीक लायिल्ली.

ही येवजण जाय त्या प्रमाणांत संस्थात्मक आराखडो आनी संघटनात्मक पाठबळ आशिल्ले आयसीएआर, राज्य शेती विद्यापिठां, जिल्लो ग्रामीण उदरगत यंत्रणा (डीआरडीए) आनी सरकारी संस्थां वरवीं चालीक लायता.

येवजणेचो उद्देश

• पडींग जमनीच्या तिगून उरपी उदरगतीचें नियोजन करपाक उदरगतीचो डेटाबेज तयार करप
• पडींग जमनीच्या वेगवेगळ्या गटांच्या उदरगती खातीर खास करून मातयेची धूप, जमनीचो दर्जो देंवप, खारसाण येवप, अम्ली जावप, उदक सांचून उरप, आदी सारकिल्या जमीन समस्यां खातीर उण्या खर्चाची आनी सिध्द जाल्ले तंत्रगिन्यान वापरांत हाडप
• नुस्त्या पालन, बदक पोसवण, म्होव मूस पोसवण, पाळीव जनावरां आनी सवणीं, आदी ह्या सारकिल्या सुवात आदारीत प्रायोगीक प्रकल्प वा आदर्श (मॉडेल) अंमलबजावणी
• पडींग जमनीच्या उदरगती खातीर संसोधन सोद आनी योग्य तंत्रगिन्यानाचो प्रसार
• प्रभावाची मोलावणी, आनी हे आदर्श (मॉडेल) मोठ्या वाठारांनी चालीक लावप
• प्रसार कार्यावळी, जागृताय मोहीम, परिसंवाद वा परिशद आयोजीत करप आनी पत्रक आनी सामुग्रींचें वांटप.

सहाय्य दिवपाक जाय आशिल्ले प्रकल्प/वावराचें प्रकार

येवजणे खाला हातांत घेवपाक जाय आशिल्ले मुखेल वावर सकयल दिल्ले प्रमाण:

• देशांतल्या वेगवेगळ्या शेती-हवामान क्षेत्रांनी तरांतरांचें शेती-वनीकरण आदर्शाचो प्रसार करप आनी चांचणी करप.
• खऱ्या आनी अम्ली मातयेची उत्पादकताय वाडोवपाक उण्या खर्चाच्या तंत्रगिन्यानाची चांचणी करप.
• भूंयतळ, उप भूंयतळ आनी जैव गटार तंत्रगिन्याना वरवीं उदक सांचून उरिल्ल्या वाठारांची उदरगत.
• पडींग जमनींत वखदी आनी वनवखदी (हर्बल) झाडां लावपाचो प्रसार करप.
• उदक सांठोवन दवरपा खातीर संयुक्त तंत्रगिन्यान
• गांयडूळ खत, मायकॉरहिझाय (फंगस आनी झाडाच्या मुळामदी संबंद जावन उत्पन्न जाल्लो घटक) आनी जैव किटकनाशका वरवीं दर्जो देंविल्ले जमनीचेर उपचार
• बंजर आनी कांय प्रमाणांत बंजर आशिल्ल्या वाठारांनी इस्त्रायली जोडपालवान जोजोबा पिकावळी खातीर अन्न सांठो आदर्श पद्दत आनी तंत्रगिन्यानाची उदरगत.

पडींग जमनींचो जिल्लो पांवड्यावेलो डेटाबेज वाडोवपाक, भूं अभिलेख खात्यान एनआरएसए, हैद्राबाद ह्या संस्थेच्या जोडपालवान रिमोट सेंसिंग चित्रा वापरून 1:50000 श्रेणीचेर पुराय देशांतलो भारतीय पडींग जमीन नकासो मुखार हाडला.

अर्थीक आधाराचो व्याप आनी पद्दत

• ह्या केंद्रीय क्षेत्र येवजणे खाला, सरकारी वा सरकारी संस्था वा सरकारी उपक्रमांच्या, विद्यापिठां आनी फायदो करनाशिल्ल्यो संस्था वा ग्राम पंचायती सयत हांच्या मालकीच्या जमनींचेर आयिल्ल्या प्रकल्पांच्या अंमलबजावणी खातीर जाचो फायदो समाजाक जातलो, हांकां 100 टक्के केंद्रीय अनुदान फावो जातले.
• खाजगी शेतकार वा कॉर्पोरेट क्षेत्रांतल्या जमनीचो वापर प्रकल्पां खातीर करतना एनडब्ल्युडीबी आनी शेतकार वा कॉर्पोरेट संस्थे मजगतीं 60:40 अशा प्रमाणान प्रकल्पाचो खर्च वांटून वतलो.

स्रोत: जमीन संसाधन खातें

संबंदीत स्रोत

1. तंत्रीक उदरगत, विस्तार आनी प्रशिक्षणाची केंद्रीय क्षेत्र येवजणे खातीर मार्गदर्शक तत्वां
2. भारताचो पडींग जमनीचो नकासो