अपंगत्व आशिल्ल्या व्यक्तींक राष्ट्रीय शिश्यवृत्ती

उद्दिश्ट

अपंगत्व आशिल्ल्या विद्यार्थ्यांक उच्च आनी तकनिकी शिक्षण घेवंक अर्थीक सहाय्य

प्रदान जावपी शिश्यवृत्ती

विद्यार्थी अभ्यास करपी/अभ्यासक्रम घेतिल्ल्या संस्थां वरवीं दर वर्सा पांचशें मेरेन शिश्यवृत्ती प्रदान करूं येता. वेगवेगळ्या गटांतल्या दिव्यांग विद्यार्थ्यांक सकयल दिल्ल्या प्रमाणें शिश्यवृत्ती भेटयतलेः

• अस्थिरोग अपंगत्व आशिल्ले विद्यार्थी
• अंधत्व वा उण्या प्रमाणांत दिसपी विद्यार्थी
• आयकुपाचे अपंगत्व आशिल्ले विद्यार्थी
• सेरेब्रल पाल्सी, मानसीक दुबळेपण, वेगवेगळे अपंगत्व, खोल वा गंभीर आयकुपाचे दुबळेपण

अभ्यासक्रमांनी शिश्यवृत्तीची रक्कम वेगवेगळी आसतली आनी ती संस्थे कडेन हॉस्टेल/निवासस्थानाची सुविधा हाच्या उपलब्धतायेचेर आदारिल्ली आसतली. तपशील सकयल दिलाः

विद्यार्थ्यांक अभ्यासक्रम शुल्काची प्रतिपुर्ती जातली, मात ताचेर वर्साक 10000 रूपया मेरेनची मर्यादा आसतली.

ते भायर संस्थेन दिल्ल्या हॉस्टेल/निवासस्थान सुविधेंत रावपी विद्यार्थ्यांक, हॉस्टेलर म्हूण धरतले जातूंत उण्यांत उणे 3 विद्यार्थ्यांनी एकठांय सुवात भाड्याक घेतल्या आनी एकूच जेवणाची वेवस्था केल्या. हे संदर्भांत अशा विद्यार्थ्यांनी संस्थेच्या मुखेल्यान प्रति निशाणी केल्ले प्रमाणपत्र आनी स्वता वेवस्था केल्या वा भाड्याक सुवात घेतल्या जाल्यार घराच्या मालका कडल्यान प्रमाणपत्र दिवचें पडटलें.

शिश्यवृत्तीची कालावधी

पात्र अभ्यासक्रम/अभ्यासाचे वर्ग शिकूंक

पात्रताय

• अपंगत्व आशिल्ले व्यक्ती कायदो 1995 खाला दिल्ल्या व्याख्याना प्रमाणें उण्यांत उणे 40 टक्के अपंगत्व आशिल्ल्याचे प्रमाणीत केल्ल्या भारतीय विद्यार्थ्यांक अर्थीक सहाय्य उपलब्ध आसतले.
• मान्यताय प्राप्त संस्थेंतल्यान पीएच.डी आनी एम.फील हाचे सयत मॅट्रीक उपरांत/माध्यमीक उपरांतचे तकनिकीआनी वेवसायीक अभ्यासक्रम घेवंक अर्थीक सहाय्य दितले. पूण सेरेब्रल पाल्सी, मानसीक दुबळेपण, वेगवेगळे अपंगत्व, खोल वा गंभीर आयकुपाचे दुबळेपण आशिल्ल्या विद्यार्थ्यांच्या बाबतींत उण्यांत उणी शिक्षणीक पात्रताय आठवी पास आसतली आनी सामान्य, तकनिकी, वोकेशनल वा वेवसायीक अभ्यासक्रमां खातीर शिश्यवृत्ती दितले. एका विद्यार्थ्याक फकत एक अभ्यासक्रम घेवंक शिश्यवृत्ती दितले.
• वेवसायीक अभ्यासक्रम घेतिल्ल्या अंधत्व/आयकुपाक येना आशिल्ल्या पदवीधर आनी पदव्युत्तर विद्यार्थ्यांक संपादन सॉफ्टवेर आशिल्ल्या संगणका खातीर आनी सेरेब्रल पाल्सी आशिल्ल्या विद्यार्थ्यांक मजत करपी सॉफ्टवेर मेळोवन दिवंक अर्थीक सहाय्य दिवं येता.
• शिश्यवृत्ती फुडले वर्सां चालू दवरप/नुतनीकरण करप हे आदले वर्सा अभ्यासक्रम उण्यांत उणे 50 (पन्नास) टक्के गूण मेळोवन यशस्वीपणान पुराय करपाचेर निंबून आसतले.
• एका वर्सा परस उण्या कालावधीच्या मॅट्रीक उपरांत/माध्यमीक उपरांतच्या तकनिकी/वेवसायीक अभ्यासक्रमांक येवजणे खाला सहाय्य मेळचे ना.
• हे येवजणे खाला शिश्यवृत्ती धारकाक त्याच वेळार दुसरी शिश्यवृत्ती/विद्यावेतन घेवंक मेळची ना. जर आनीक खंयची शिश्यवृत्ती/विद्यावेतन दिल्ले आसा जाल्यार विद्यार्थ्याक ताका/तिका जाय आशिल्ली शिश्यवृत्ती निवडपाचो पर्याय घेवचो पडटलो आनी ते विशीं प्राधिकरणाक कळीत करचे पडटले.
• लावार्थीची म्हयन्याळी कुटुंबीक येणावळ सगल्या स्रोतांतल्यान 15,000 रूपया परस चड आसूंक जायना. कुटुंबीक येणावळींत पालक/राखणदाराच्या येणावळीचो आसपाव आसा.

येवजणेची घोशणा

शिश्यवृत्ती खातीर अर्ज मागोवपी जायरात राष्ट्रीय/प्रादेशीक मुखेल खबरापत्रांनी जून म्हयन्यांत दितले. नवीनतम म्हायती आनी शिश्यवृत्तीक अर्ज समाजीक न्याय आनी सशक्तीकरण मंत्रालय मेळटले.

स्रोतः अपंगत्व आशिल्ल्या व्यक्तींक राष्ट्रीय शिश्यवृत्ती हे येवजणे विशीं पुराय म्हायती खातीर, हांगा क्लिक करात