शॅर
Views
  • राज्य Open for Edit

सुविधां खातीर सुचोवण्यो

ह्या विभागांत सुविधां वयल्या सुचोवण्यांची म्हायती आसपावता

वीज गिरायक

  • नवी जोडणी/ भार वाडोवप /मालकी हक्कांत बदल ह्या खातीर सगले तपशील भरून संबंदीत अधिकाऱ्याक स्वता वचून वा स्पीड/ रजिस्टर टपाला वरवीं अर्ज सादर करचो.
  • ज्या सुवाते खातीर वीज जोडणीची गरज आसा ताच्या कायदेशीर मालकीचे योग्य दस्तावेज / नोंदी सादर करात. जरी तुमी भाडेकरुं आसात, जाल्यार सुवातेच्या कायदेशीर वापराचे पुरावे सादर करात.
  • परवानो प्राप्त वीज कंत्राटदारा कडल्यान सगले वायरींगाचे काम करून घेयात. फकत दर्जेदार ISI वायरी वापरात आनी फावो त्या क्षमतायेची आनी बऱ्या दर्जांची वायरींग उपकरणां वापरात आनी सगली उपकरणां जोडच्या खातीर फकत प्रभावी earthed पातळ पीन सोकेटां वापरांत आनी योग्य earth उपलब्ध करात. योग्य सुविधेची मीनी सर्कीट ब्रेकर्सा (MCBs) वरवीं वीज जोडणी सुरक्षीत करात.
  • अर्ज रद्द जावचो न्हय ह्या खातीर खात्यान कळयल्या उपरांत सुरक्षा जमा आनी सेवा जोडणी शुल्क थारायल्ल्या तारखे आदी जमा करात.
  • स्थापणुकेची चांचणी करच्या खातीर आनी अहवालाचेर सय करपा खातीर पुरवण जातली तेन्ना परवानो प्राप्त वायरींग कंत्राटदार वा ताचो अधिकृत प्रतिनिधी सुवातेर आसतलो हाची जतनाय घेयात.
  • मीटराची नोंद घेवपा खातीर निर्धारकाक सोंपें थारतले अशे सुवातेर मिटर लावपाक सुवात उपलब्ध करात.
  • फकत संबंदीत अधिकारिणीक कळयल्या उपरांत अदीक उर्जा वापरपी उपकरणां जशे की वातानुकुलीत यंत्र, उदक हिटर हांच्या खातीर अतिरिक्त भार जोडात. भार वाडीची मान्यताय मेळ्ळ्या उपरांतच अतिरिक्त भार जोडात.
  • ज्या वापरा खातीर सेवा जोडणी दिल्या फकत त्याच वापरा खातीर वीज वापरात (देखीक. घरगुती/ वेवसायीक/ कृषी.)
  • तुमचे सुवातींतले मीटर आनी खात्याची हेर उपकरणां सांबाळात आनी ती योग्य तरेन सील केल्यात हाची जतनाय घेयात.
  • वीज पुरवणेच्या नेमांत नमूद केला त्या प्रमाणें गरज आसा तेन्ना तुमची पुरवण एकोड्या फेसी वयल्यान तीन फेसीचेर रुपांतरीत करून घेयात.
  • फारीकपणाच्या देय तारखे आदी वीज वापराचे बील भरात.
  • मीटराची नोंद घेवच्या खातीर निर्धारकान भेट दिल्ली त्या वेळार कांय कारणांक लागून तुमची सुवात बंद आशिल्ली जाल्यार, वीज पुरवण कंपनी सरासरी तत्वाचेर बील वाडोवंक शकता. मात फुडले बील वास्तवीक नोंदी जुळोवन मेळ्ळा हाची जतनाय घेयात.
  • फारीकपण करपा वेळार कावंटराचेर बील दियात.
  • फारीकपण करूंक ना म्हण जर तुमची सेवा जोडणी तोडल्या जाल्यार, तुमी देय रक्कम आनी पुनर्जोडणी शुल्क भरुन संबंदीत अधिकाऱ्याक म्हायती दिवन परतून जोडणी दिल्या हाची खात्री करूंक शकतात. परतून जोडणी दिवपा खातीर थारावीक निर्देश पाळचे असो कंपन्यांक आदेश आसा.
  • जरी मीटर सदोश आसलो वा चलना जालो, जाल्यार ही गजाल संबंदीत अभियंत्याचे नदरेक लेखी स्वरुपांत हाडून दियात आनी बरो मीटर बदलून मागात. जर गिरायकाक इत्सा आसा जाल्यार शुल्क फारीक करून तिसऱ्या पक्षा कडल्यान मीटर तपासून घेवपाचो अधिकार गिरायकाक आसा.
  • विजेची गळटी आडावपा खातीरच न्हय तर सुवातेत रावपी लोकांच्या जिविताची राखण करपा खातीर अंतर्गत वायरींग नेमान तपासून घेयात.
  • CFL (कॉम्पेक्ट फ्लॉरोसेंट लायट)/ LED बल्ब आनी FTL (फ्लॉरोसेंट ट्युब लायट) हांकां उणी वीज लागता आनी गरम जातकच उजवाड दिवपी बल्बां वरी गरमी सोडीना. ताका लागून CFL / LED आनी FTL बल्ब वापरूंक प्राधान्य दियात.
  • सध्याच्या तंत्रगिन्यानांत, तुमी कपडे धुंवपाचे मशीन, गीजर हांचो वापर उच्च वेळार थारावंक शकतात जाका लागून भार नियमनाक मजत जाता.
  • जंय शक्य आसा थंय BEE स्टार मानंकीत विजेची उपकरणां वापरात, कारण ती उपकरणां उर्जा कार्यक्षम आसतात. उत्पादन जितले स्टार मानांकीत आसता तितली उणी वीज वापरता.
  • सुवातीचे छप्पर आनी वण्टी धवो रंग वा हलक्या रंगान रंगयल्यार सुर्याची गरमी प्रतीवर्तीत जावपाक मजत जाता आनी ताका लागून काळखी रंगाचे छप्पर आनी वण्टी परस ते अदीक उर्जा कार्यक्षम आसतात.
  • किमान वापर आनी कार्यक्षम उर्जा वापरा खातीर योग्य मानांकीत/ क्षमतायेचो गीजर, कपडे धुंवपाचे मशीन, फ्रीज आनी वातानुकुलीत यंत्र वापरात.
  • एसी, टीव्ही, संगणक, मोनीटर वापरनासतना बंद करात, कारण ही यंत्रा स्लीप/स्टॅण्ड बाय मोडात दवरल्यारूय उर्जा वापरता.
  • सामान्य यांत्रीक रेग्युलेटर अदीक उर्जा वापरतात म्हणून ताच्या बदल्यात इलॅक्ट्रोनीक रेग्युलेटर वापरात.
  • फ्रिजांत अन्न सांठोवन दवरच्या आदीं, ते अन्न सामान्य तापमानाचेर येवपाक दियात. फ्रिजांत बर्फ सांठोपाक दिनाकात. बर्फ दाट जाल्या उपरांत रोखडोच फ्रीज डिफ्रोस्ट करात
  • एसी चे तापमान सॅटींग सामान्यपणान 25 ते 27 डिग्री दवरात.
  • जबाबदार गिरायक जायात. तुमची जबाबदारी पार पाडल्या उपरांत तुमचे हक्क मागात.
  • मतींत दवरात, उर्जा वाचोवप म्हणल्यार उर्जा तयार करप. कुडींत कोणच ना तेन्ना लायटी, फॅन बंद करात, कारण हॉस्पिटलांत कोणाक तरी विजेची खूप गरज आसतली.
  • तुमचो हक्क आसा ती सेवा तुमकां मेळना जाल्यार तुमचो हुस्को उक्तायात. मतींत दवरात, “समीक्षक दर्जेची प्रगती करता”. वीज पुरवण कंपनी आडची पयलीं कागाळ, पुरवण कंपनीच्या तुमच्या वाठारांतल्या पुरवण आनी मुख्य कार्यालयाच्या संबंदीत अधिकाऱ्या कडेन करची. जरी निवारण केले ना वा प्रतिसाद दिलो ना जाल्यार फुडल्या पांवड्या वयली कागाळ ही वितरण कंपनीच्या गिरायक तक्रार निवारण मंचा कडेन वा राज्याचो वीज लोकपाला कडेन करची.

राज्यांत विवीध वीजेची पुरवण करूंक कामगिरीचो खात्रीशीर दर्जो

डिजीटल एडरेसेबल यंत्रणा (DAS) वरवीं केबल टीव्हीचे डिजीटायजेशन

भारत सरकारान अधिसुचीत केला ते प्रमाणें 31 डिसेंबर 2014 मेरेन 4 पांवड्यार देशभरांत दर एका केबल ऑपरेटरान डिजीटल एड्रेसेबल यंत्रणे वरवीं खंयचीय वाहिनी एनक्रीप्टेड स्वरुपांत प्रसारीत करप वा पुन प्रसारीत करप बंधनकारक आसा.

डिजीटल एड्रेसेबल यंत्रणेंत (DAS), TV वाहिनी केबल टीव्ही जाळ्या वरवीं डिजीटल आनी एनक्रीप्टेड स्वरुपांत आनी फकत अधिकृत धाडटात आनी फकत अधिकृत उपेगकर्तो सेट टॉप बॉक्स वापरून वाहिनी मेळोवपाक शकता. टीव्ही डिजीटायजेशनाच्या प्रसारण आनी ग्रहणा खाला:

  1. गिरायकान सेट टॉप बॉक्स लावप गरजेचे आसा (STB).
  2. टीव्ही यंत्रणा बदलपाची गरज ना.
  3. एकाच सुवातेर तुमचे कडेन एका परस अदीक टीव्ही सेट आसल्यार वेगळ्या STB ची गरज आसा.
  4. STB तुमच्या थळाव्या केबल ऑपरेटरा कडल्यान मेळोवंक शकतात. केबल ऑपरेटरांनी ह्या पर्यायांत STB उपलब्ध करून दिवंक जाय:
    • खरेदी
    • भाड्यान आनी
    • भाड्यार - खरेदी येवजण

भाड्यान घेवप आनी भाड्यान घेवप- खरेदी येवजणेंत:

  1. केबल ऑपरेटरान, जोडणी रद्द केल्या उपरांत देय रक्कम मेळ्ळ्या उपरांत सुरक्षा ठेव (आसल्यार) परत दिवंक जाय.
  2. जरी केबल ऑपरेटरान दिल्ले सेवेन गिरायक समाधानकारी नासल्यार, गिरायक ते रद्द करूंक शकता आनी केबल ऑपरेटरान वजा केल्या उपरांत गिरायकाक STB दिवपाक मान्यताय दिवपाक जाय, जे दर अर्द्या वर्सा वा ताच्या भागांत 25% टक्क्याच्या अदीक आसूंक जायना.
  3. गिरायकान खरेदी केल्ल्या STB चेर केबल ऑपरेटरान उणीच एका वर्साची वॉरंटी दिवप गरजेचे आसा. वॉरंटी काळांत STB ची दुरुस्ती वा सांबाळ करपा खातीर गिरायकान शुल्क दिवपाची गरज ना.
  4. जरी STB भाड्यान घेवप - खरेदी येवजणे खाला मेळयला वा भाड्याचे येवजणे खाला मेळयला, जाल्यार गिरायकान भाड्यान घेवप - खरेदी करप वा भाड्याच्या काळांत STB ची दुरुस्ती आनी सांबाळ करपा खातीर गिरायकान पयशे फारीक करपाची गरज ना.
  5. केबल ऑपरेटरान टीव्ही वाहीनी स्टॅण्ड अलोन तत्वाचेर वैयक्तीकपणान वा वाहिन्यांचो गुच्छ अशे तरेन दिवपाची गरज आसा.
  6. गिरायक वांगडीपद घेवपाक शकता त्या टीव्ही वाहिन्यांचो सकयले प्रमाण पर्याय आसा:
    • फकत FTA (फ्री टु एयर) वाहिनी - दर म्हयन्याक दर जोडणे खातीर 100 रुपया अदीक कर ह्या परस अदीक रक्कमेचे शुल्क केबल ऑपरेटर लावंक शकना. दर जोडणेक जर म्हयन्या केबल ऑपरेटरान 100 रुपयाच्या शुल्काचेर 100 FTA वाहिनी दिवपाची सक्ती आसा.
    • पॅकेज वा वाहिन्यांचो गुच्च
    • तत्वाचेर एका वा अदीक वाहिनी
    • वाहिनींचो गुच्छ
    • फारीकपण वाहिनी आनी FTA वाहिनी.

LPG गिरायक

  • वळख आनी राबित्याच्या पुराव्या वांगडा नवें LPG जोडणेची गरज नोंद करूं येता. वापरूंक शकतात अशे राबित्याचे कांय पुरावे म्हणल्यार रेशन कार्ड, विजेचे बील, टॅलीफोन बील, पासपोर्ट, धनयाचे प्रमाणपत्र, LIC पॉलीसी, मतदार कार्ड, भाड्याची पावती आनी हेर.
  • गॅस एजन्सी गिरायकाक आपल्या कडल्यान खंयचीय वस्तू जशे की हॉट प्लेट, रबरी पायप, हेर विकती घेवपाची सक्ती करूंक शकना. गिरायकाची इत्सा आसा थंयच्या ISI कुरू आशिल्ली वस्तू घेवपाची मेकळीक ताका आसा. कंपनीन नवी जोडणी दिवच्या आदी संभाव्य खरेदीदारा कडेन ISI कुरुची हॉट प्लेट आनी रबरी पायप आसप गरजेचे आसा.
  • LPG कंपन्यांनी थारायल्ल्या प्रमाणें LPG सिलिंडर आनी दाब रेग्युलेटरा खातीर गिरायकांनी सुरक्षा ठेव दिवप गरजेचे आसा, ज्या खातीर विक्रेतो/वितरकान वांगडीपदाची पावती (SV) दिवप गरजेची आसा, जी सुरक्षीतपणान सांबाळूंक जाय
  • कंपनीन थारायल्ल्या भायर हेर कसलेय शुल्क लावपाचो विक्रेतो/वितरकाक अधिकार ना.
  • रिफील घेतना, सिलिंडराचे सील, सुरक्षा धाकणे, पायपातल्यान गळटी आनी गॅसाचे वजन, डिलीवरी करपी व्यक्तीक मोल दिवचे आदी तपासात.
  • डिलीवरी करपी व्यक्तीन वजन काटो वांगडा घेवप गरजेचे आसा.
  • LPG हॉट प्लेट, रबरी पायप आनी रेग्युलेटराची अधिकृत मेकानिका कडल्यान नेमान तपासणी करून घेयात.
  • एका घरांत, एका रांदची कुडींत फकत एक जोडणेची मान्यताय आसा.
  • जरी तुमकां गॅस सिलिंडरात उणे वजन दिसून आयले जाल्यार डिलीवरी दिवपी व्यक्तीक सिलिंडर बदलून दिवपाक सांगात.
  • राबितो बदललो जाल्यार गॅसाची जोडणी बदलूंक येता. जरी त्याच गॅस वितरकाच्या वाठारांत तुमी राबितो बदलला जाल्यार तुमचो नवो नामो, राबित्याच्या पुराव्या सयत वितरकाक कळीत करात.
  • जरी दुसऱ्या गॅस वितरकाच्या वाठारांत तुमी राबितो बदलला जाल्यार सद्याच्या वितरका कडल्यान हस्तांतरण पावती घेयात, आनी जंय तुमचो तुमचो नवो राबितो आसा त्या वाठारांतल्या वितरका कडेन तो जमा करात. मात सिलिंडर आनी दाब रेग्युलेटर परत करपाची गरज ना. नवो वितरक हस्तांतरण वांगडीपद पावती तयार करतलो.
  • जरी राबितो शाराच्या भायर बदलला जाल्यार, सिलिंडर आनी दाब रेग्युलेटर सद्याच्या वितरकाक परत दिवचे पडटले. वितरक समाप्ती पावती (TV) तयार करतलो आनी सुरक्षा जमा परत दितलो. समाप्ती पावती (TV) नव्या वितरका कडेन जमा करची पडटली जो वांगडीपद पावती (SV) तयार करतलो आनी सुरक्षा ठेव जमा उपरांत सिलिंडर आनी दाब रेग्युलेटर जारी करतलो.
  • संबंदीत चांचणी एजन्सीन LPG सिलिंडर प्रमाणीत केल्या उपरांतच ताचे वितरण करतात. दर एका सिंलिडराचे फुडल्या चांचणीचे वेळापत्रक बरोवप LPG कंपनीक बंधनकारक आसा. LPG सिलिंडराच्या तीन वटेनच्या दांड्यांचेर तारीख बरयिल्ली आसता. तारीख अक्षर - आंकड्यात आसता जशे की A, B, C वा D आनी त्या उपरांत 2 आंकड्यांचो क्रमांक आसता. A, B, C आनी D तीन म्हयन्यांचे प्रतिनिधित्व करतात, A म्हणल्यार मार्च म्हयन्यांत सोंपपी 3 म्हयने आनी D म्हणल्यार डिसेंबर म्हयन्यांत सोंपपी 3 म्हयने. 2 आंकड्यांचे क्रमांक वर्साचें प्रतिनिधित्व करता. ज्या सिलिंडराची निश्चीत केल्ली चांचणी तारीख सोंपल्या तो सिलिंडर न्हयकारपाचो गिरायकाक अधिकार आसा.
  • LPG सिलिंडरांची वितरकान गिरायकांक डिलीवरी दिवपाची सामान्य पद्दत म्हणल्यार फकत “घरा हाडून दिवप”. दंगे, संचारबंदी, संप ह्या सारख्या खाशेल्या परिस्थितींत घरा पावोवप शक्य नासल्यार दर एका रिफीली फाटल्यान 15 रुपया परत मेळोवपाचो हक्क गिरायकाक आसा.

टॅलीकॉम सुचोवण्यो

सेवा मानक/QoS घटक शुल्क संबंदीत मुद्दे:

  • शुल्क प्लॅन कसल्याय दिशाभूल करपी पद्दतीन सादर करप, विपणन करप वा प्रस्तूत करपाक मान्यताय ना. सगले म्हयन्याळे निश्चीत केल्ले शुल्क जे खंयच्याय गिरायकाक खंयच्या प्लॅना खाला सक्तीचे आसात ते एक माथाळ्या खाला एकोड्या आंकड्यान दिवपाक जाय.
  • सेवा पुरवणदारान, सेवा सक्रीय जाल्ल्या एका सप्तका भीतर गिरायकाक लेखी स्वरुपांत ताच्या शुल्क प्लॅनाचो पुराय तपशील दिवपाक जाय. त्या व्यतीरिक्त, वेंचिल्ल्या शुल्काचो खंयचोय पैलु/घटकात बदल आसल्यार जाच्या शुल्क पॅकेजींत बदल जातले त्या गिरायकाक ऑपरेटरान लेखी स्वरुपांत अशे बदल कळीत करूंक जाय.
  • शुल्क प्लॅन एक फावट सेवा पुरवणदारान दिलो जाल्यार, तो शुल्क प्लॅनाची नोंदणी केल्ल्या तारखे सावन उणेच 6 म्हयन्या खातीर गिरायकाक उपलब्ध आसूंक जाय. ह्या 6 म्हयन्याच्या काळांत, सेवा पुरवणदार शुल्क उणे करूंक शकता, प्लॅनातल्या खंयच्या घटकांत वाड करपाक मान्यताय ना. मात, उपेगकर्तो 6 म्हयन्याच्या काळातय हेर खंयचोय प्लॅन वेंचूक शकता.
  • गिरायक, स्थलांतरण शुल्क फारीक करिनासताना खंयच्याय वेळार सेवा पुरवणदारान दिल्ल्या एका शुल्क प्लॅनातल्यान दुसऱ्या शुल्क प्लॅनात बदलूंक शकता. उपेगकर्त्याची शुल्क बदल विनंती बेगोबेग मानून घेवन ती लागू करूंक जाय वा फुडल्या बिलींग फेरये वेळार ती लागू करूंक जाय.

प्रिपेड गिराकय

  • सगल्यो सेवा ज्यो “टॉक टायम मोलाचेर” परिणाम करिनात, त्यो इनकमींग व्हॉयस कॉल/एसएमएस सयत, प्रिपेड गिरायकाक पुराय वैधता काळांत उपलब्ध आसूंक जाय, जरी टॉक टायम सोंपला आसलो तरीय.
  • रिचार्ज करपाच्या वेळार लागू आशिल्ली प्रिपेड गिरायकाची वापरूंक नाशिल्ली बाकी चडावंत काळांत फुडें व्हरुंक जाय.
  • 50 रुपया परस उणे शुल्क फारीक करून गिरायकाक फाटल्या 6 म्हयन्याचो वापराचो तपशील मेळोवपाचो अधिकार आसा. विनंती मेळिल्ल्या 30 दिसां भीतर म्हायती दिवप कंपनीक सक्तीचे आसा.

मुल्यवर्धीत सेवा

  • गिरायकाच्या मान्यताये बगर शुल्क आशिल्ली मुल्यवर्धीत सेवेची पुरवण करूंक जायना. खंयचीय मुल्यवर्धीत सेवा जी आदी फुकट दिताले, ती गिरायकाच्या मान्यताये बगर सशुल्क करूंक जायना. वयल्यो तजविजो इंटरनॅट सेवा पुरवणकर्त्याकय लागू जातात.
  • गिरायकाच्या पूर्व परवानगे बगर व्हॉयस मेल सेवा दिवंक जायना.
  • VAS चे आपसूकच नविनीकरण करपाची मान्यताय TRAI न टॅलीकॉम सेवा पुरवणदारांक दिल्या. सद्याचो VAS चो काळ सोंपच्या 3 दीस आदी कंपन्यांनी एसएमएस धाडूंक जाय. जरी गिरायकाक सेवेचे नविनीकरण करपाची इत्सा ना जाल्यार एसएमएस मेळिल्ल्या 3 दिसां भीतर निश्क्रीय करूंक जाय. ना जाल्यार कंपनी ताचे नविनीकरण करतल्यो.
  • जर गिरायकाच्या मान्यताये बगर मुल्यावर्धीत सेवा सक्रीय केल्यात जाल्यार गिरायकाच्या खात्यातल्यान वजा केल्ली रक्कम 24 वरां भीतर परत करूंक जाय.

जायरात

  • प्रिमीयम दर सेवा जशे की रींग टॉन्स, वॉल पेपर्स, भविश्यवाणी, प्रस्नमंजुशा हांचो पल्स दर/ शुल्क हांच्या कडेन संबंदीत म्हायती सेवा पुरवणदारान सगल्या दळणवळणात/ जायरातीत छापूंक जाय.
  • सेवा पुरणदाराच्या संकेतथळार, अदमासे म्हयन्याळ्या बिलाचे तुलनात्मक शुल्क प्लान आसूंक जाय. म्हणल्यारच सद्याच्या कांय गृहितांचेर आधारीत अर्थीक परिणाम तशेंच पुराय तपशील.

चुकीची दुरुस्ती करूंक कळाव जाल्यार भाड्यात परतफेड

जरी थारावीक लायनींतली नादुरुस्ती 3 दिसां भीतर दुरुस्त करूंक ना जाल्यार सकयल्या प्रमाणें भाड्यात परतफेड दिवंक जाय:

  • >3 दीस आनी < 7 दीस नादुरुस्त आसा: 7 दिसां खातीर भाड्यांत सूट .
  • >7 दीस आनी < 15 दीस नादुरुस्त आसा: 15 दिसां खातीर भाड्यांत सूट.
  • >15 दीस नादुरुस्त आसा: 1 म्हयन्या खातीर भाड्यांत सूट.

सुरक्षा ठेव परत दिवप

देय रक्कमेत समयोजना केल्या उपरांत, आसल्यार, सुरक्षा ठेव गिरायकाक 60 दिसांच्या (साठ) काळा भीतर परत दिवंक जाय. थारायल्ल्या काळा भीतर पयशे परत करूंक ना जाल्यार सेवा पुरवणदारान कळाव जाल्ल्या खातीर 10% कळंतर दर वर्सा ह्या प्रमाणें फारीक करूंक जाय.

STD/ISD शुल्का खातीर तपशिलवार बिलांची तजवीज

पोस्ट पेड गिरायकान विनंती केल्यार ऑपरेटरान STD/ISD कॉलां खातीर तपशिलवार बील दिवंक जाय.

रोमींग

जेन्ना गिरायक दुसऱ्या पारवान्याच्या क्षेत्रांत वता, ताका ऑपरेटरान एसएमएस वरवीं म्हायती दिवंक जाय की रॉमिंगात आसतना जरी तो कॉल करूंक वा कॉल स्विकारप निवडटा तेन्ना ताका शुल्क लागू जातले.

थारावीक टॅलीफोना खातीरच्या प्रतिक्षा वळेरीची नोंदणी, सांबाळ

  • संभाव्य गिरायकांक कसलोच भेदभाव करीनासतना पयलीं येता ताका पयली सेवा ह्या तत्वाचेर टॅलीफोन जोडणी दिवंक जाय.
  • परवानो दिवप्यान लेखी स्वरुपांत निर्देश दिल्ले बगर ऑपरेटरांनी संभाव्य गिरायकाक टॅलीफॉन जोडणेच्या तजविजां खातीर नोंदणी करपाक न्हयकार दिवचो न्हय.
  • प्रतिक्षा वळेरी सांबाळूंक जाय आनी टॅलीफोन जोडणी दिवपा खातीर ती सडकपणान पाळूंक जाय.

गिरायकांच्यो कागाळी

  • सेवा पुरवणदारा आड वैयक्तीक कागाळी हाताळपाचो अधिकार TRAI कडेन ना, मात व्हडा प्रमाणांत गिरायकांक मार बसपी पद्दतशीर अपेस वा जॅनेरीक प्रकारांत लक्ष घालूंक शकता. आपल्या तक्रारीच्या निवारणा खातीर गिराय सेवा पुरवणदार वा गिरायक निवारण मंचा कडेन दाद मागूंक शकतात.
  • पयल्या पांवड्यार सेवा पुरवणदाराच्या गिरायक काळजी केंद्रांत टोल फ्री क्रमांका वरवीं कागाळ नोंद करूंक शकता. जर थारायल्ल्या काळांत कंपनीक समस्या समाधानकारक पणान सोडोवंक अपेशी थारता जाल्यार कंपनीच्या आव्हान अधिकारणी कडेन कागाळ नोंद करूं येता.

मोबायल क्रमांक पोर्टेबीलीटी

  • तोच क्रमांक राखून गिरायक आपलो सेवा पुरवणदार बदलूंक शकता. जरी नवो क्रमांक आसा जाल्यार जोडणी सक्रीय केल्ल्या 90 दिसा उपरांतच पोर्टींग विनंती नोंद करूंक येता.
  • प्रिपेड गिरायक आसल्यार, टॉक टायमाची बाकी रक्कम पोर्टींगाच्या वेळार लोप जातली.
  • 19 रुपया पोर्टींग शुल्क म्हण लागू जातलो.

अपेक्षीत वाणिज्यिक संपर्क

  • ज्या गिरायकांक टॅलीमार्केटींग कॉल्स पुरायपणान वा कांय प्रमाणांत नाकात तांणी आपलो क्रमांक NDNC वा NCPR कडेन नोंद करचो. 1909 चेर फोन/एसएमएस करून नोंदणी करूं येता.
  • टॅलीमार्केटींग कॉल्स फकत टॅलीमार्केटरानच करूंक जाय.
  • टॅलीमार्केटींग कॉल्स 140 माळयेचे क्रमांक वापरून 10 आंकड्याच्या क्रमांका वयल्यान करप टॅलीमार्केटरां खातीर सक्तीचे आसा. टॅलीमार्केटींग संदेश 9 आंकड्यांचो आल्फा न्युमेरीक कोड वापरून वळखपाचे.

स्रोत: राज्य गिरायक हॅल्पलायन गिन्यान पोर्टल

2.90476190476
तुमच्यो सुचोवण्यो नोंद करात

(जर वयल्या सामुग्रीविशी तुमच्यो टिप्पणी / सुचोवण्यो आसात, जाल्यार उपकार करून त्यो हांगा नोंद करात.

Enter the word
Back to top